На Универзитетот во Тетово од денеска се одвива третиот рок за пријавување на нови студенти за учебната 2020/2021 година. Заинтересираните своите документи ќе можат да ги донесат до Универзитетот до петок 25 септември.

–На сите студиски програми на нашите 13 факултети, каде што има слободни места, може да се аплицира за студирање. Заинтересираните кандидати кои сакаат нивните студии да ги продолжат на Универзитетот во Тетово, прво мора да го пополнат образецот преку Интернет на веб – страницата: www.unite.edu.mk/apply (Регистрации 2020/21), со релевантни податоци и според бараните упатства, потенцираат од Универзитетот.

Покрај тоа, кандидатите треба да ги поседуваат оригинални дипломи од средно училиште, извод од книга за родени, потврда за државјанство, како и доказ платени за административни такси.

Од канцеларијата за информирање велат дека со трите рока ќе бидат исполнети сите очекувања на Универзитетот во Тетово за бројот на нови студенти  предвидени за оваа академска година.