Тренерот на Шамрок роверс за Шкупи: Секој што е рамноправен со Динамо заслужува респект

foto: instagram@shamrockroversofficial

Стивен Бредли ги подготовува своите фудбалери за дуелот со Шкупи, в четврток, во рамките на третото квалификациско коло за Лига Европа

Според статистичките податоци ирскиот првак Шамрок роверс е фаворит во мечот со Шкупи в четврток во Даблин.

Тренерот на Роверс, Стивен Бредли, сепак ги предупредува своите фудбалери дека Шкупи треба да се сфати сериозно иако е гостин без поголемо европско искуство.

Доказ за тоа е резултатот од првиот меч на Шкупи против Динамо во Загреб, кога македонскиот првак изигра нерешено 2-2.

– Кога го гледате мечот во Загреб, тие (Шкупи н.з.) требаше да го добијат… Секој што може да игра рамноправно со Динамо (а мислам дека го видовме квалитетот на Динамо против Лудогорец), покажува дека мораме да го репсектираме. Нивната напаѓачка четворка е слична со онаа на Лудогорец во смисла на ритам и сила – изјави Бредли.

В четврток се игра мечот од третото квалификациско коло за Лига Европа, Шамрок Роверс – Шкупи, а реваншот е следната недела.

Шкупи на гости играше нерешено со Динамо 2-2, а дома изгуби со 0-1 во второто квалификациско коло за Лигата на шампионите. Роверс во исто време беше елиминиран од Лудогорец со резултат 0-3 на гости и 2-1 дома. Динамо во вторникот во Разград го совлада Лудогорец со 2-1 во третото претколо за ЛШ.

Роверс нема пораз на домашен терен од минатиот август, а во таа низа има само четири реми резултати.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот