Тренерот на Мајами заплака на прес конференцијата (ВИДЕО)
Кошаркарите на Мајами хит загубија во големото НБА финале со 2:4 од ЛА Лејкерс.
Екипата на Мајами во финалната серија против Лос Анџелес Лејкерс се соочуваше со големи проблеми поради повредите на клучните играчи но и покрај тоа одигра шест натпревари.
Горан Драгиќ се повреди во воведните минути од првиот натпревар и отсуствуваше се до последниот шести натпревар во финалето, додека центарот Бем Адебајо пропушти два натпревари и имаше лимитирана минутажа во четвриот натпревар, но и покрај тоа играчите го оставија секој атом од силите на паркетот и успеаја да дојдат до две победи.
Поразот во финалната серија тешко му падна на тренерот на Мајами, Ерик Сполстра кој на прес конференцијата не можеше да ги додржи солзите.
Erik Spoelstra wiping away tears for over 30 seconds before starting his first answer post-game. pic.twitter.com/japm0ctsht
— Will Manso (@WillManso) October 12, 2020
– Овие луѓе без разлика што и да се случи во иднина, ќе ја паметат сезоната до крајот на животот. Се што поминавме во соблекувалната, тие моменти на заедништо ќе бидат со нас до крајот на животите. Моите играчи се бореа и играа колку што можеа во ова финале, а не е мал бројот на играчи кои не е беа на 100 проценти. Најверојатно не ни требаше да играат, но знаете како оди тоа со нив, бараат и сакаат да бидат на паркетот. Многу ми е криво што не најдов начин да победиме – изјави расплаканиот Сполстра.