Баерн Минхен не ги прикажува очекуваните игри сезонава, и по дебаклот од Ајнтрахт од 5:1, управата одлучи да му се заблагодари на Нико Ковач.

Челниците на екипата веднаш почнаа со потрагата по наследникот на Ковач, и веќе неколку имиња се споменуваат како можни наследници, меѓу кои најзвучни се Жозе Мурињо, Ерик тен Хаг, Томас Тухел…
„Билд“ објави дека сегашниот тренер Тен Хаг е подготвен да го презеде кормилото на германскиот тим дури по завршувањето на сезоната, но засега оваа опција не и се допаѓа на управата.
Токму поради тоа, Карл Хајнц Румениге го контактираше Ралф Рагник, доскорешниот тренер на Лајпциг, но тој го одби Баерн Минхен.

*** BILDplus Inhalt *** Trainer-Suche in München – Rangnick sagt NEIN zu Bayern https://t.co/0qWVumH0Za

— BILD FC Bayern (@BILD_Bayern) November 6, 2019

Следен на списокот беше Томас Тухел, тренерот на ПСЖ, но и тој се заблагодари на понудата.
– Не сум заинтересиран за работата во Баерн бидејќи сум тренер на ПСЖ. Јас сум под договор оваа и идната сезона, така што немам намера да преговарам со други екипи – изјави Тухел.

Жозе Мурињо е таинствен и засега не открива дали веќе добил понуда да седне на клупата на Баерн Минхен или не.

Exclusive @BILD_Sport : Ralf Rangnick declines the negotiations with FC Bayern. Now Arsene Wenger is the absolute favorite for the job as the Coach of Bayern

— Christian Falk (@cfbayern) November 6, 2019

Токму поради тоа „Билд“ објави дека нов фаворит е Французинот Арсен Венгер кој две години е без ангажман по заминувањето од клупата на Арсенал. Се очекува, Венгер доколку се согласи, да ја води екипата само до крајот на сезоната, а потоа најверојатно првиот тим ќе го преземе Ерик тен Хаг.