Напаѓачот на „старата дама“, Кристијано Роналдо дефинитивно одлучи до крајот на преодниот рок да си замине од Торино и Серија А, пренесува италијанскиот новинар Фабрицио Романо.
Португалецот од челниците на екипата побарал да биде продаден и тоа една година пред истекот на договорот.

Најверојатно следен клуб на Роналдо ќе му биде Манчестер сити кој откако не успеа да го донесе Хари Кејн, се фокусира на трансфер на португалскиот репрезентативец.
Јувентус за својот фудбалер бара помеѓу 28 и 30 милиони евра, додека Манчестер сити сака да го донесе Роналдо без обесштетување и нуди размена. Откако и агентот на фудбалерот, Жорге Мендеш, не успеа да ги убеди челниците на Јувентус за размена, Сити наводно се согласил да плати 25 милиони евра обесштетување и да го комплетира трансферот на Роналдо. 

Confirmed. Cristiano Ronaldo has definitely decided to LEAVE Juventus and he asked the club to be sold. ❌⚪️⚫️ #Juventus #Ronaldo pic.twitter.com/JCcAwaYX9U

— Fabrizio Romano (@FabrizioRomano) August 26, 2021

Романо наведува дека челниците на Јувентус во наредните часови откако Роналдо поднесе барање да биде продаден, се очекува да пристигне официјална понуда од Сити за да се подтигне договор што е можно побрзо.

Роналдо наводно веќе ги договорил личните услови со „граѓаните“, тој се очекува да потпише двегодишен договор кој ќе му носи 15 милиони евра нето годишна плата.