Трансферот е готов, утре доаѓа Елмас во Наполи (ФОТО)
Македонскиот репрезентативец Елиф Елмас го напушти Фенербахче, а за 16 милиони евра плус бонуси летово ќе направи трансфер во Наполи.
Познатиот италијански новинар Џанлука Ди Марцио, потврди дека трансферот на Елмас е готов, односно успешно биле завршени сите детали.
#Elmas al @sscnapoli è fatta, domani l’arrivo in Italia del centrocampista acquistato dal @Fenerbahce #calciomercato @SkySport
— Gianluca Di Marzio (@DiMarzio) July 22, 2019
Информира воедно дека за вторник (23 јули) е најавено доаѓањето на нашиот играч кој што најпрвин треба да ги помине лекарските прегледи, а потоа и официјално го потпише договорот со „наполитанците“.
Неговиот агент Георге Гарди исто така рече дека преговорите биле макотрпни, бидејќи и други големи клубови беа во трка за потписот на „Дијамантот“.
Тренерот Карло Анчелоти изјави за италијанските медиуми дека го очекува доаѓањето на Елмас.