Трансфер сапуница: Де Јонг се договори со Манчестер јунајтед, но Барселона која прво го бркаше – сега не го пушта
Претседателот на Барселона, Жоан Лапорта изјави дека Френки де Јонг не е на продажба иако минатиот месец зборуваше дека неговото заминување ќе ја наполни касата на каталонскиот тим и со парите ќе можат да се финансираат неколку трансфери.
Минатата недела Барселона се договори со Манчестер јунајтед за 65 милиони евра вредниот трансфер на Де Јонг, но тогаш фудбалерот изјавуваше дека не сака да си оди.
Barcelona president issues fresh Frenkie de Jong to Manchester United denial #mufc https://t.co/5kJq7WXmj4
— Man United News (@ManUtdMEN) July 6, 2022
Сега кога Холанѓанецот најде заеднички јазик со „црвените ѓаволи“, се премисли првиот човек на Барселона.
– Френки де Јонг е фудбалер на Барселона и се додека не бидеме приморан или имаме интерес да го продадеме, ние не сакаме да се ставиме на трансфер пазарот. Знаеме дека Де Јонг има понуди. Ако во одреден момент бидеме заинтересирани за продажба, ќе ги разгледаме, но засега Барселона нема намера да го продава Де Јонг – изјави Лапорта.
Френки де Јонг на „Камп Ноу“ пристигна во 2019 година од Ајакс за 75 милиони евра и холандскиот репрезентативец потпиша петгодишен договор.
