Трамп воведува „тешки санкции“ за иранскиот врховен лидер – Слободен печат
ВестиПланета

Трамп воведува „тешки санкции“ за иранскиот врховен лидер

Го продолжуваме притисокот на Техеран, изјави американскиот претседател, појаснувајќи дека санкциите би можеле да бидат во сила „со години".

Американскиот претседател Доналд Трамп денеска потпиша указ со кој, како што рече, се воведуваат „тешки санкции” за иранскиот врховен лидер, ајатолахот Али Хамнеи.

Трамп изјави дека санкциите следуваат по „низата агресивни постапки на иранскиот режим во последните недели, меѓу кои и соборувањето на американско беспилотно летало”.

– Го продолжуваме притисокот на Техеран – изјави американскиот претседател, појаснувајќи дека санкциите би можеле да бидат во сила „со години”.

– Санкциите наведени во укаозт, ќе го спречат иранскиот врховен водач, неговиот тим и другите со кои е блиско поврзан да имаат пристап до основните финансиски средства – потенцира Трамп.

Министерот за финансии Стивен Мнучин изјави дека „милијарди ирански средства” ќе бидат замрзнати, и дека до крајот на неделава цел на санкции ќе биде и миранскиот министер за надворешни работи Мохамед Џавад Зариф.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close