Премиерот на Индија, Нарендра Моди го пречека претседателот на САД, Доналд Трамп, а во исто време хиндуистичко националистички и комунистички групи излегоа на улиците на Њу Делхи да пружат поддршка односно да протестираат против САД.

Групата хиндуистички националисти одржа молитвен состанок при што на постер со ликот на Трамп, на неговото чело ставија црвена точка, со што го благословија, додека свештеникот му посака успех во настојувањата за зајакнување на врските со Индија.

На друго место во Њу Делхи, десетици приврзаници на Комунистичката партија на Индија носеа транспаренти на кои пишуваше „Оди си Трамп“.

Демонстрации против Трамп имаше и во градовите Гаухати, Калкута и Хидерабад.

Генералната секретарка на Комунистичката партија, Дораисами Раџа го обвини Моди дека подлегнал на притисокот од САД за пристап до индискиот пазар наместо да ги штити интересите на Индија.