Трамп напиша дека тајните, одвоени средби со талибанските лидери и авганистанскиот претседател Ашраф Гани требало да бидат одржаво денес во Кемп Дејвид, но дека се откажани.

Американскиот претседател како причина го наведе тоа што талибанците признаа дека стојат зад нападот во Кабул во кој беше убиен еден американски војник, покрај 11 други луѓе.

„Веднаш ги откажав средбите и мировните преговори“, напиша Трамп.

„Какви се тие луѓе кои толку би убивале за навидум да ја зајакнат својата преговарачка позиција?“, се праша тој.

Unbeknownst to almost everyone, the major Taliban leaders and, separately, the President of Afghanistan, were going to secretly meet with me at Camp David on Sunday. They were coming to the United States tonight. Unfortunately, in order to build false leverage, they admitted to..

— Donald J. Trump (@realDonaldTrump) September 7, 2019

Во четвртокот во Кабул во напад со автомобил бомба во близина на седиштето на НАТО беа убиени двајца војници на Алијансата, Американец и Романец, а сѐ на сѐ загинаа 12 луѓе.

Американскиот државен секретар Мајк Помпео денес потврди дека мировните преговори со авганистанските талибанци се мртви и дека Вашингтон нема да прифаќа какви било идни договори без „одредени гаранции“ од милитантите.