Американскиот претседател Доналд Трамп ги зголеми даноците на увозот на челик од Турција за 50 проценти и се закани со пошироки санкции поради офанзивата на земјата во Сирија, додека пратениците на Конгрес најавија наметнување на нивните санкции кон Анкара.

Трамп рече дека наскоро ќе воведе санкции и на сегашните и на поранешните официјални претставници на турската влада за нивната вмешаност во операциите во северна Сирија.

Тој во изјавата додаде дека веднаш ќе ги прекине преговорите за договорот вреден 100 милијарди американски долари со Турција.

– За жал, Турција се чини дека не ги ублажува хуманитарните ефекти од инвазијата – изјави Трамп.

Тој рече дека на околу 1.000 американски војници им е наредено да ја напуштат Сирија, но ќе останат на Блискиот исток со цел да спречат да оживее Исламската држава.

Сепак, тој јасно стави до знаење дека војниците што се повлекуваат ја напуштаат Сирија.