ТРАМП СЕ ЗАКАНУВА: Ќе испратам илјадници војници да го запрат вандализмот

Доналд Трамп / Фото: EPA-EFE/DOUG MILLS/ POOL

Американскиот претседатен најави и дека полицискиот час ќе биде стриктно почитуван.

Американскиот претседател Доналд Трамп, се закани дека ќе испрати војска на улиците за да ги запре граѓанските немири во државите поради смртта на Афроамериканецот Џорџ Флојд, кои траат веќе со денови на улиците во САД.

Тој кажа доколку државите и градовите не успеат да ги контролираат протестите и да ги заштитат своите граѓани дека ќе ја мобилизира војската и дека брзо ќе го реши проблемот за нив, пренесе Би-би-си.

– Се заколнав дека ќе ја бранам Америка и ќе го направам тоа. Правдата за Флојд ќе стигне, но не можеме да дозволиме на насилните демонстранти да ги загрозат нашите мирољубиви граѓани. Јас сум сојузник на сите мирни демонстранти, но тоа е нарушено со професионалните анархисти, антифи и други – кажал тој.

epa08457168 Demonstrators react as they pass National Guard members during protests over the death of George Floyd, who died in police custody, at Pershing Square in Los Angeles, California, USA, 31 May 2020. A bystander’s video posted online on 25 May appeared to show George Floyd, 46, pleading with arresting officers that he couldn’t breathe as an officer knelt on his neck, in Minnesota. The unarmed black man later died in police custody. EPA-EFE/ETIENNE LAURENT

Трамп рекол и дека храбрите медицински сестри кои се борат против коронавирусот се плашат да излезат од дома.

– Правда, а не хаос, е нашата мисија, и ќе успееме 100 отсто. Нашата земја секогаш победува. Затоа преземам моментална претседателска акција, ќе ги мобилизирам сите цивилни и воени ресурси. Ќе испратам илјадници тешко вооружени војници и претставници на законот да го запрат вандализмот  – рече Трамп.

epa08455573 Police officers hold a corner of the looted Fairfax neighborhood during curfew as thousands of protesters take the street to demonstrate following the death of George Floyd, in Los Angeles, California, USA, 30 May 2020. A bystander’s video posted online on 25 May appeared to show George Floyd, 46, pleading with arresting officers that he couldn’t breathe as an officer knelt on his neck, in Minnesota. The unarmed black man later died in police custody. EPA-EFE/ETIENNE LAURENT

Американскиот претседател најави и дека полицискиот час ќе биде стриктно почитуван.

Потоа Трамп позираше пред една оштетена црква, предизвикувајќи критики дека ги користи мирните демонстранти како прилика за сликање.

Протестите ширум САД траат веќе седум дена. Протестите избувнаа низ целата земја поради смртта на 46-годишниот Афроамериканец Џорџ Флојд.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот