Трамп: САД до ноември ќе склучи трговски договор со ЕУ

„САД изгубија 150 милијарди долари и повеќе во текот на изминатите години поради Европската унија“, смета Трамп.

Американскиот претседател Доналд Трамп денеска во Давос изрази очекување дека САД ќе склучи трговски договор до претседателските избори во неговата земја, во ноември.

– Почнуваме преговори, рече Трамп, повторувајќи ја неговата оценка дека со минатиот договор САД биле третирани „ужасно неправедно”.

– САД изгубија 150 милијарди долари и повеќе во текот на изминатите години поради Европската унија, смета Трамп.

– Тие имаат трговски бариери зад кои не може да се тргува. Тие имаат давачки насекаде. Тие прават невозможни нешта. Искрено, потешко е да се прави бизнис со нив, отколку со Кина. Сè што треба да направите е да го прашате Борис (британскиот премиер Џонсон), истакна Трамп.

Тој уште посочи дека има „ужасни односи” со Светската трговска организација и најави потег, кој според него „ќе биде многу драматичен”.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот