Трамп размислува да префрли 2.000 војници од Германија во Полска

Фото: EPA-EFE/Shawn Thew

Претседателот на САД, Доналд Трамп изјави денеска дека размислува да префрли 2.000 американски војници од Германија во Полска, мерка за која Варшава настојува како средство за спречување евентуална руска агресија.

– Зборувавме за тоа, истакна Трамп пред новинарите во Овалниот кабинет откако се сретна со полскиот претседател Анджеј Дуда.

Според Трамп, САД располагаат со над 50.000 војници во Германија и две илјади од нив би можеле да бидат испратени во Полска. Тој додаде дека полската држава ќе потроши многу пари за изградба на касарни за овие војници, изразувајќи надеж дека Русија „ќе се однесува со почит кон Полска”.

– За жал тие многу често страдаат, истакна Трамп мислејќи на Полјаците.

Американскиот претседател изјави дека планира да ја посети Полска, но датумот се уште не е определен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот