Претседателот на САД Доналд Трамп денеска во низа од твитови отвори фронтален напад против неговиот поранешен советник за национална безбедност, Џон Болтон, откако во неговата нова книга тој го опишува претседателот како „недоследен” и „неверојатно неинформиран” лидер.

Книгата на Болтон е насловена „Собата каде што се случи тоа”, и за Трамп тоа е „компилација од лаги и измислени приказни, со цел да бидам претставен во лошо светло”.

Истакна дека „многу од овие апсурдни изјави, кои тој ми ги припишува мене, никогаш не биле направени, чиста измислица“, напиша Трамп, додавајќи дека Болтон е „незадоволна и досадна будала, која сакаше само да војува“.

When Wacko John Bolton went on Deface the Nation and so stupidly said that he looked at the “Libyan Model” for North Korea, all hell broke out. Kim Jong Un, who we were getting along with very well, went “ballistic”, just like his missiles – and rightfully so….

— Donald J. Trump (@realDonaldTrump) June 18, 2020

Трамп истакна дека на почетокот на 17 месечната позиција на Болтон во Белата куќа, во 2018 година, но и во 2019 година, тој размислувал да го разреши. Една од причините биле „глупите” коментарите на Болтон за Северна Кореја, со што се усложниле преговорите со севернокорејскиот лидер Ким Џонг Ун.

Во книгата се вели дека Трамп барал од кинескиот претседател Си Џинпинг да му помогне да победи на изборите, мислел дека Финска е дел од Русија, и не бил свесен оти Британија поседува нуклеарно оружје. Во центарот е и сагата со украинскиот претседател Володомир Зеленски и истрагата за импичмент отворена од Конгресот.

Bolton’s book, which is getting terrible reviews, is a compilation of lies and made up stories, all intended to make me look bad. Many of the ridiculous statements he attributes to me were never made, pure fiction. Just trying to get even for firing him like the sick puppy he is!

— Donald J. Trump (@realDonaldTrump) June 18, 2020

Белата куќа се обидува со судска наредба да ја стопира промоцијата на  книгата на Болтон закажана за вторник идната дедела. Оттаму сметаат дека таа содржи доверливи информации за националната безбедност, кои треба да се чуваат во тајност, иако веќе неколку медиуми обезбедија копии од книгата, и информираат за неа.

Но и критичарите на Трамп бараа Болтон, наместо да издава книга, за која добил авторски надомест од два милиони долари, да се појави на сослушувањата за импичмент на претседатeлот и да го каже сето ова пред јавноста.

There is nothing worse than a disgruntled, arrogant, egotistical, and all around miserable warmonger who gets fired from their job, and goes to write a book with classified information — while being paid millions of dollars for it. Someone changed their tune, once he was FIRED! pic.twitter.com/IwWyueQGQt

— Dan Scavino (@DanScavino) June 18, 2020

Портпаролката Кејли Мекенани, рече дека одлуката на Болтон да ја објави оваа книга е за презир.