Трамп првпат играше голф по прогласувањето на вонредната состојба

Американскиот претседател Доналд Трамп играше во саботата голф првпат откако беше прогласена вонредната состојба поради епидемијата од коронавирусот во март, испраќајќи ја пораката дека САД се враќаат во нормална состојба.

Претседателот го посети својот терен „Trump National Golf Club“ во предградие на Вашингтон. Трамп последен пат играше голф на 8-ми март, во својот клуб во Вест Палм Бич на Флорида.

Трамп ја промовира идејата дека САД се враќаат во нормална состојба, иако неговите противници забележуваат дека се очекува бројката на починати во епидемијата на коронавирусот следните денови да надмине сто илјади. Тоа се совпаѓа за малку со процените на почетокот од епидемијата, кои подоцна беа ревидирани надолу.

Американците во понеделник 25-ти мај го одбележуваат Денот на сеќавањето во чест на загинатите американски војници, поради што ќе имаат продолжен викенд.

„Престојувајте надвор, играјте голф, играјте тенис со означени топчиња, одете на плажа, но бидете оддалечени два метра“, им порача на Американците, Дебора Биркс, координаторка на кризниот штаб на Белата куќа за борба против коронавирусот на прес-конференцијата во петокот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот