Претседателот на САД, Доналд Трамп, денеска пристигна во официјална посета на Јапонија, во текот на која ќе разговара со тамошниот цар Нарухито.

После краткиот дочек на аеродромот, Трамп се упатил во американската амбасада каде го очекуваат деловни разговори.

Посетата на Трамп е дел од дипломатската офанзива на јапонскиот премиер Шинзо Абе, за која аналитичарите велат дека засега ја спасила Јапонија од заштитничките мерки на Трамп.

Се очекува премиерот Шинзо Абе да оди на голф со Трамп, а потоа и на сумо натпревар, каде Трамп на победникот ќе му додели „Трамп куп“, изработен во САД.

„Од сите држави на светот, јас сум почестен гост на најголемиот настан кој се одржува во последните 200 години“, изјави Трамп.

Претседателот на САД сепак не се откажа од можноста да воведе потенцијално опасни царини на увоз на јапонските автомобили под изговор за заштита на националната безбедност.

Царините се веќе воведени ја јапонскиот алуминиум и челик.