Трамп: Претседателот Си се однесува одговорно за ситуацијата во Хонг Конг – Слободен печат
ВестиПланета

Трамп: Претседателот Си се однесува одговорно за ситуацијата во Хонг Конг

-Мислам дека кинескиот претседател делува одговорно, многу одговорно, рече Трамп и заклучи дека „се надева дека Си ќе ја направи вистинската работа".

Американскиот претседател Доналд Трамп изјави дека верува дека кинескиот претседател Си Џинпинг се однесува „многу одговорно” во врска со протестите во Хонг Конг, почнати заради предложениот зкаон за екстрадиција што ќе овозможи жителите на автономниот регион да бидат испорачувани на судење во Кина.

-Во моментов работиме на трговските договори. Ќе видиме што ќе се случи, рече американскиот претседател пред новинарите во Белата куќа, пред средбата со пакистанскиот премиер Имран Кан.

Хонг Конг веќе два месеца е средиште на понекогаш насилни протести, што е најголема криза откако Британците во 1997 година и го вратија овој град на Кина, под услов неговите жители да ги уживаат демократските слободи според формулата „една држава, два система”.

„Знам дека е тоа многу важна ситуација за претседателот Си”, рече Трамп и додаде дека „Кина може да ги запре доколку тоа го сака”.

-Мислам дека кинескиот претседател делува одговорно, многу одговорно, рече Трамп и заклучи дека „се надева дека Си ќе ја направи вистинската работа”.

Протестите во оваа поранешна британска колонија почнаа на 9 јуни заради незадоволството од законот што требаше да овозможи предавање на осомничените лица на Кина. Жителите на Хонг Конг сметаат дека тоа би ја поткопало правосудната независност  на покраината и луѓето ќе ги изложи на опасни политички обвинувања.

Во меѓувреме Кина номинално се откажа од законот, но демонстрантите бараат негово комплетно повлекување и оставка на шефицата на хонгконгшката Влада, Кери Лам, пренесе Индекс, хр.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close