Трамп: Преместивме неколку опасни борци на Исламската држава на безбедна локација
Претседателот Доналд Трамп изјави дека САД на непозната локација ги преместиле некои од најопасните борци на Исламската држава, кои се заробени на север во Сирија.
Американскиот претседател на својот Твитер профил објави дека таканаречените „Битлси“ се преместени на непозната локација за да можат да внимаваат на нив, додека трае турскиот воен упад во тоа подрачје.
Турските сили го нападнаа северниот дел на Сирија за да ги поотиснат курдските борци кои ги сметаат за терористи, јавува Ројтерс.
Како што се пренесува, Курдите исто така чуваат илјадници борци на ИД во затвори, па постоела загриженост дека тие би можеле да бидат ослободени ако курдските сили ги остават своите положби.
Како што се пренесува, Трамп не дал прецизна бројка за тоа колку милитанти се преместени од север во Сирија, ниту пак на која локација се наоѓаат сега.
In case the Kurds or Turkey lose control, the United States has already taken the 2 ISIS militants tied to beheadings in Syria, known as the Beetles, out of that country and into a secure location controlled by the U.S. They are the worst of the worst!
— Donald J. Trump (@realDonaldTrump) October 10, 2019