Трамп повторно удри по НБА: Луѓето повеќе не сакаат да ве гледаат
Претседателот на САД по втор пат во последната недела ја критикуваше НБА лигата поради политизирање поради нејзините постапки против полициската бруталност.
Доналд Трамп првиот напад кон кошаркарите но и челниците на НБА лигата кои застанаа зад своите играчи, го имаше минатата недела. Тогаш на Трамп не му се допадна тоа што играчите одлучија да ги бојкотираат натпреварите од првата рунда во плеј-офот како еден вид на протест против расната дискриминација и полициската бруталност.
Имено, во сојузната држава Висконсин од страна на полицаец беше убиен Афроамериканецот Џејкоб Блејк. Сега откако и официјално ја започна кампањата за вториот претседателски мандат, Трамп одново ја нападна НБА лигата.
– Луѓето се уморни од гледање на високо политизираната НБА. Рејтингот на НБА падна и повеќе нема да расте. Се надевам дека во НФЛ и во МЛБ го гледаат тоа и ќе реагираат бидејќи може да им се случи истата работа. Стојте високо за нашата држава и нашата застава – порача Трамп.
НБА играчите пред секој натпревар клечат додека се интонира американската химна како знак на поддршка за Афроамериканците.