Американскиот претседател Доналд Трамп, денеска на Твитер објави дека САД постигнале договор во првата фаза од обидите за постигнување на конечен трговски компромис со Кина.

Според овој договор, Вашингтон ќе се откаже од воведување на царини на увоз на кинеска роба, планирани за недела, додека Пекинг ќе го зголеми купувањето на американски земјоделски производи.

„Постигнавме детален договор од првата фаза од преговорите со Кина. Тие прифатија многу структурни промени и зголемено купување на земјоделски, енергетски и индустриски производи, но и уште многу други“, напиша Трамп на Твитер.

Тој исто така напишал дека САД ќе намалат некои царини на кинеска роба, кои биле воведени од порано.

We have agreed to a very large Phase One Deal with China. They have agreed to many structural changes and massive purchases of Agricultural Product, Energy, and Manufactured Goods, plus much more. The 25% Tariffs will remain as is, with 7 1/2% put on much of the remainder….

— Donald J. Trump (@realDonaldTrump) December 13, 2019