Трамп: Оставката на Моралес носи демократија на западната хемисфера

Фото: ЕПА

Американскиот претседател Доналд Трамп изјави дека оставката на боливискиот лидер Ево Моралес претставува важен момент за демократијата на западната хемисфера.

Трамп му оддаде признание на боливискиот народ бидејќи барал слобода, како и на боливиската војска која ја почитувала заклетвата дека ќе го штити Уставот на земјата.

Тој оцени дека заминувањето на Моралес ја чува демократијата и го отвора патот да се слушне гласот на боливискиот народ.

Американскиот претседател нагласи дека случувањата во Боливија им испраќаат јасен сигнал на Венецуела и Никарагва дека „демократијата и волјата на народот секогаш победуваат”.

– Чекор поблиску сме до целосно демократска, просперитетна и слободна западна хемисфера- додаде Трамп.

Ево Моралес, првиот домородец претседател на Боливија, пред два дена поднесе оставка, откако тоа од него го побара војската, по неколку недели протести поради спорните избори во земјата. На него вчера му беше одобрен азил од Мексико, чии власти побараа од боливиското МНР да му се овозможи, според меѓународното право, слободно да излезе од земјата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот