Американскиот претседател Доналд Трамп изјави дека денес попладне ќе го објави долгоочекуваниот мировен план за Блискиот исток.

Трамп тоа вчера го соопшти на новинарите за време на состанокот со израелскиот премиер Бенјамин Нетанјаху во Белата куќа.

Американскиот претседател рече дека на „Палестинците би требало да им се допадне планот“ и смета дека тој е добар за нив, пренесе „Ројтерс“.

Трамп во посебна средба треба да се сретне и со ривалот на Нетанјаху, лидерот на партијата Сино и бело Бени Ганц.

Белата куќа се надева дека Трамп, ако ја добие поддршката и од Нетанјаху и од Ганц, ќе помогне да се направи некаков напредок во регионот.

Како што се наведува, планот на Трамп е резултат на тригодишните напори на неговите советници Џаред Кушнер и Ави Берковиц, како и Џејсон Гринблат.

Предлогот е напишан на повеќе од 50 страници и има за цел да го реши најтешкиот проблем на Блискиот исток.