Трамп: Ние договоривме примирје во Сирија

Фото: EPA-EFE/MICHAEL REYNOLDS

Американскиот претседател Доналд Трамп синоќа изјави дека САД го договориле примирјето во северна Сирија и овозможиле Курдите мирно да ја напуштат границата со Турција.

– Ние тоа го направивме, САД, а не некоја друга држава – посочи Трамп.

Тој додаде дека „благодарение на Америка сочувани се многу животи на Курдите”.

Трамп истакна и дека телефонски разговарал со командантот на Сириските демократски сили Мазлум Абди, кој се заблагодарил за поддршката од САД.

Претседателот на САД наведе и дека еден дел од американските војници ќе остане во Сирија за да ги штити нафтените наоѓалишта.

Претседателите на Русија и на Турција, Владимир Путин и Реџеп Тајип Ердоган на 22 октомври се договорија за поделба на контролата над североисточна Сирија. Во согласност со договорот, Турција ќе ја задржи областа што ја освои со инвазија, додека руските и сириските сили ќе го контролираат преостанатиот дел долж сириско-турската граница. Договорот предвидува и курдските борци во рок од 150 часа (почнувајќи од вчера на пладне) да се повлечат од зоната во североисточна Сирија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот