Трамп немал мозочен удар, тој е здрав, тврди неговиот лекар
Шон Конли, личниот лекар на американскиот претседател потврди дека Трамп немал мозочен удар или некој друг сериозен здравствен проблем, како што објавија странските медиуми.
-Можам да потврдам дека претседателот Трамп немал цереброваскуларен аксидент (мозочен удар), минлив исхемичен напад (мини мозочен удар) или каков било друг итен акутен кардиоваскуларен проблем, како што беше погрешно пренесено во медиумите, вели Конли во изјавата.
Лекарот потврди дека претседателот е здрав и дека не е загрижен за неговата способност да го реализира ригорозниот распоред што е пред него, пренесуваат британските медиуми.
Дури и самиот Трамп на својот Твитер налог напиша дека станува збор за лажни вести.
It never ends! Now they are trying to say that your favorite President, me, went to Walter Reed Medical Center, having suffered a series of mini-strokes. Never happened to THIS candidate – FAKE NEWS. Perhaps they are referring to another candidate from another Party!
— Donald J. Trump (@realDonaldTrump) September 1, 2020