Трамп: Напредуваат преговорите за трговски договор со Мексико и Канада

Фото: ЕПА

Американскиот претседател Доналд Трамп изјави дека добро напредуваат преговорите за трговски договор меѓу САД, Мексико и Канада, додавајќи дека и синдикатите се задоволни.

Според медиумите, таквиот коментар значи дека администрацијата на Трамп, американските демократски законодавци и Мексико се приближуваат до договор за измени на постоечкиот документ, со цел да може да биде усвоен во Конгресот.

Истовремено мексиканскиот претседател Андрес Мануел Лопес Обрадор ја повика претседателката на Претставничкиот дом на американскиот Конгрес, Ненси Пелоси од Демократската партија да се ратификува северноамериканскиот трговски договор, иако мексикански деловни кругови сметаат дека предвидените измени ќе го ослабнат договор.

Обрадор вчера истакна дека мексиканските сенатори ги прифатиле забелешките на американските демократи кои се однесуваат на прашањата за работните односи и заштита на животната средина.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот