Трамп најави „диви” демонстрации на 6 јануари во Вашингтон

Фото: EPA-EFE/JIM LO SCALZO

На денот кога американскиот Конгрес треба да ја потврди изборната победа на Џо Бајден, претседателот во заминување Доналд Трамп најави демонстрации во Вашингтон. Според планот на организаторите, протестите треба да започнат од Обелискот во Вашингтон, потоа преку Плоштадот на Слободата до зградата на Конгресот на „Капитол Хил“, пренесува „Си-Ен-Би-Си“.

– Ќе обезбедиме мирно одржување на протестите и насилство нема да се толерира, рече новоназначениот началник на полицијата во Вашингтон Роберт Конти во интервју за „Вашингтон пост”.

Една од причините за страв од насилство за време на собирот на приврзаници на Трамп е пораката што актуелниот претседател ја испрати преку Твитер, во која ги повикува сите оние кои го поддржуваат да дојдат на протестот што тој го нарече „Стоп за кражбата” со најавата дека демонстрациите „ќе бидат диви”.

Видео на денот