Трамп: Кина краде огромни суми пари со децении, а тоа мора да запре

Американскиот претседател Доналд Трамп денеска преку Твитер им нареди на американските компании да ја напуштат Кина, откако Пекинг возврати со царини за стоки од САД во вредност од 75 милијарди долари, јави дописникот на МИА од Вашингтон.

Во соопштенијата на Твитер, Трамп истакна: „нам не ни треба Кина и, искрено, ќе ни биде подобро без неа”.

– Огромни суми пари се крадени од Кина со години, со децении. Тоа мора да запре, напиша претседателот Трамп.

Додаде дека им наредил на американските компании веднаш да почнат да бараат алтернатива на Кина или да ги префрлат своите производствени операции „дома и да прозведуваат во САД”.

Тој истакна дека им наредил и на поштенските служби како „Федекс”, Амазон „Ју-Пи-Ес” или Американски пошти да одбијат да испорачуваат од Кина во САД.

Во увозните царини на производи во висина од 75 милијарди долари што денеска ги воведе Кина првпат се најде и американска нафта, а тарифита за автомобили произведени во САД беа обновени. Ова беше одговор на тарифите за кинески стоки од 300 милијарди долари претходно воведени од Трамп.

Царините стапуваат во сила сукцесивно, на 1 септември и 15 декември.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот