Американскиот претседател Доналд Трамп денеска изјави дека Иран е толку нестабилен што тамошната Влада го блокирала пристапот до Интернет, со цел Иранците да не можат да слушнат што зборува тој, коментирајќи го како „ужасно насилство”.

Трамп на Твитер напиша дека иранската Влада сака „нулта транспарентност” и оти верува дека со исклучувањето на Интернетот ќе го спречи остатокот од светот да дознае за „смртните случаи и трагедиите предизвикани од иранскиот режим”.

Iran has become so unstable that the regime has shut down their entire Internet System so that the Great Iranian people cannot talk about the tremendous violence taking place within the country….

— Donald J. Trump (@realDonaldTrump) November 21, 2019

Пристапот до Интернет во Иран е блокиран уште од саботата, поради насилството што избувна на протестите поради зголемувањето на цената на бензинот за 50 проценти.