Американскиот претседател Доналд Трамп, рече дека ќе и наметне дополнителни царини на Кина ако не биде постигнат трговски договор со кинескиот претседател Си Џинпинг.

– Ќе наметнеме дополнителни царини, многу значајни царини, ако не се постигне договор – се закани Трамп во интервју за Фокс бизнис нетворк.

Тој додал дека договор би можел да се постигне на самитот Г-20 во Јапонија овој викенд.

Трамп во интервјуто исто така порача и дека Кина е запозната со барањата на САД, кои би овозоможиле постигнување на трговски компромис.

Планот на лидерот на САД е да го ограничи тргувањето со Кина во случај да не биде постигнат договор со Пекинг.

Запрашан за компаниите кои своите производства ги преселиле од Кина во Виетнам, Трамп порачал дека Виетнам е полош кон САД отколку Кина.