Трамп и натаму верува дека „рокетменот“ од Северна Кореја ќе ја заврши денуклеаризацијата

Американскиот претседател Доналд Трамп денеска изјави дека и натаму има доверба во севернокорејскиот лидер Ким Јонг-ун и изрази надеж дека тој ќе ја заврши денуклеаризацијата.

Трамп, исто така, оцени дека Ким сака да лансира ракети.

– Ким сака да лансира ракети. Зар не? Затоа и го викам рокетмен – изјави Трамп пред новинарите во Лондон, пред почетокот на НАТО Самитот.

Пјонгјанг денеска оцени дека САД се обидуваат да ги пролонгираат преговорите за нуклеарната програма на Северна Кореја поради претседателските избори следната година.

Заменикот министер за надворешни работи на Северна Кореја Ри Те Сонг истакна дека се ближи крајот на годината, со што се означува крајот на периодот кој таа земја го одреди за САД, пренесува државната КЦНА. Тој рече дека целосно зависи од Вашингтон кој божиќен подарок ќе го изберат.

– Досегашните чекори на Вашингтон не се ништо друго освен будалест трик осмислен за да ја задржи Демократска Народна Република Кореја во дијалог, со цел тоа да го искористи за политичката ситуација и изборите во САД, оцени севернокорејскиот заменик министер.

Јужнокорејските медиуми оваа изјава ја оценија како прикриена закана дека Пјонгјанг би можел да го укине мораториумот на нуклеарни проби и тестирања на проектили со долг дострел.

Преговорите запреја по неуспешниот обид на средбата меѓу американскиот претседател Доналд Трамп и севернокорејскиот лидер Ким Џонг-ун во февруари во Виетнам.

Двете страни не успеаја да се договорат за следниот чекор кон ублажување на тензиите и Северна Кореја оттогаш лансираше повеќе проектили со кус дострел во море.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот