Американскиот претседател Доналд Трамп го претстави долгоочекуваниот мировен план за Блискиот Исток, ветувајќи дека Ерусалим ќе остане израелска престолнина.

Трамп рече дека ниту Израелците, ниту Палестинците нема да бидат истерани од своите домови.
Според американскиот претседател, мировниот план е можеби последна прилика за Палестинците.

Документот, на кој се работеше во тајност, е составен под водство на зетот на Трамп, Џеред Кушнер.

Израел се заблагодари за предлозите, но Палестинците однапред го отфрлија.

Американските медиуми веќе јавија дека планот на Трамп вклучува и размена на територии помеѓу Израел и Западниот Брег и оти Палестина ќе добие делумна автономија.

Наречен „договор на векот“, планот треба да го оконча еден од најдолгогодишните светски судири.