Трамп го нападна Болтон: Молеше за функција за која не треба потврда од Сенатот
Американскиот претседател Доналд Трамп, најжестоко досега го нападна неговиот поранешен советник за национална безбедност, Џон Болтон откако тој рече дека Трамп имал улога во политички мотивираната кампања за притисок врз Украина.
Во меѓувреме, денеска Сенатот се подготвува да влезе во нова фаза од отповикувањето на Трамп.
Трамп го нападна Болтон на Твитер, велејќи дека тој пред неколку години молел за функција за која не треба потврда од Сенатот.
Американскиот претседател напиша и оти доколку го слушал Болтон, досега би се случил Шестата светска војна. Според него, откако Болтон ја напуштил функцијата, веднаш напишал „гнасна и невистинита книга“.
Според американските медиуми, книгата на Болтон содржи строго доверливи информации и поради тоа не може да излезе во јавност.