Американскиот претседател Доналд Трамп утре во Вашингтон ќе учествува во „Маршот за живот“, со што ќе стане првиот американски претседател кој се придружил на годишниот собир против правото на абортус.

– Претседателот Доналд Трамп ќе биде првиот претседател во историјата во „Маршот за живот“ – објави Белата куќа на Твитер, додека претседателот на истата социјална мрежа порача: „Се гледаме во петок“.

Претседателката на движењето рече дека ќе ѝ биде голема чест што на собирот ќе учествува претседателот на државата.

Собирот „Марш за живот“ се организира секоја година од 1973 година, кога Врховниот суд донесе пресуда со која е легализирано прекинувањето на бременоста во САД.