Трамп е ослободен по двете обвиненија

Фото: ЕПА

Од 100 члениот Горен дом на американскиот Конгрес, 53 сенатори гласаа дека  „не е виновен”, додека 47 гласаа „виновен”, и по двата предмети од обвинението.

Американскиот претседател Доналд Трамп денеска на клучното гласање во Сенатот на САД во рамките на судската постапка за негово отповикување, беше ослободен по двете обвиненија покренати против него.

Трамп беше обвинет за злоупотреба на претседателската власт и попречување на работата на Конгресот и отповикан од Претставничкиот дом лани во декември.

Од 100 члениот Горен дом на американскиот Конгрес, 53 сенатори гласаа дека  „не е виновен”, додека 47 гласаа „виновен”, и по двата предмети од обвинението.

Само 34 гласови беа потребни за негово ослободување.

Одговорноста на претседателот на САД се утврдува во две последователни фази. Првата е отповикување или импичмент, а втората е негова смена од претседателската функци. Според Уставот, Претставничкиот дом на Конгресот на САД е надлежен за отповикување на претседателот, а Сенатот за негова смена. За време на судењето, сенаторите стануваат судии-поротници, кои ја носат конечната одлука. Отповикувањето на претседателот се врши со мнозинство гласови од вкупниот број пратеници во Претставничкиот дом, а смената од функцијата со двотретинско мнозинство гласови од вкупниот број сенатори.

Првиот импичмент на претседател во САД е покренат против Џон Тилер во 1842 година, кој бил одбиен со мнозинство гласови во Претставничкиот дом. Од вкупно 45 претседатели само против четворица е прифатен импичмент, од кои тројца беа подложени на судење во Сенатот и тоа Ендру Џонсон, Бил Клинтон и Доналд Трамп.

Импичментот на Трамп почна на 24 септември 2019 година, по што Долниот дом утврди две основи за одговорноста на Доналд Трамп. Првата е злоупотребата на власта, со вршењето притисок врз странски претседател за своја политичка корист, а втората е опструкцијата на Конгресот на САД. На 18 декември, Претставничкиот дом го отповика Доналд Трамп од претседателската функција со мнозинство на гласови (230 наспроти 198). Трамп е обвинет и за опструкцијата на Конгресот  поради тоа што одби да соработува во постапката за импичмент. Исто така, тој побарал членови на власта да не сведочат во Сенатот, ниту да ги даваат бараните документи, без разлика на судските налози. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот