Бившата американска државна секретарка Хилари Клинтон ги изгуби претседателските избори во 2016-та година каде се кандидираше како демократски кандидат.

Американскиот претседател Доналд Трамп изјави дека Гугл требале да биде тужени после извештаите за наводната манипулација од милион гласови во корист на Хилари Клинтон во 2016. Трамп не го наведе извештајот во прилог на неговата оптужба, туку на својот твит ја повика надзорната група Џудишал Воч.

Wow, Report Just Out! Google manipulated from 2.6 million to 16 million votes for Hillary Clinton in 2016 Election! This was put out by a Clinton supporter, not a Trump Supporter! Google should be sued. My victory was even bigger than thought! @JudicialWatch

— Donald J. Trump (@realDonaldTrump) August 19, 2019

Изјавата доаѓа откако Трамп во јули изјави дека односот на Гугл спрема Кина може да претставува проблем за националната сигурност на САД и вети дека ќе открие било каков потенцијален проблем.

На 16-ти мај Трамп ја додаде компанијата Хјуавеј и нејзините 70 застапништва на црната листа, со што ја ограничи нивната работа во земјата. Од американските компании се бара да добијат дозвола за да работат со оваа фирма.

Како резултат на тоа, Гугл ја запре соработката со Хјуавеј, вклучувајќи и преносот на хардвер, софтвер и технички услуги, освен оние кои се јавно достапни по пат на лиценца на отворен код.

За време на изборите во 2016-та година, Трамп ја победи Клинтон и стана 45-тиот американски претседател и покрај тоа што неговиот демократски ривал освои скоро 3 милиони гласови повеќе.

Во јули Трамп рече дека „во потполност размислува“ за повторна кандидатура во 2020-та година.