Дете е згрижено во штипската болница откако вчера паднало од тракторска приколка и здобило тешки повреди. Според полицијата вчера околу 15.30 часот е пријавено дека во атарот на беровското село Двориште, пред мостот на „Дворишка река“ додека М.Т.(49) управувал трактор „диат 446 ДТ“, кој влечел приколка, во која биле Н.Т.(49) и уште две деца, четиригодишно дете паднало од приколката и било прегазено со десното тркало. Детето здобило тешки повреди и било пренесено во Здравствениот дом во Берово, а потоа во медицинскиот центар во Штип.