Трајковски: Сакаме да играме на ЕП, ќе биде неизвесно против Естонија!
Најдобрите македонски кошаркари и стручниот штаб вчера се тестираа на ковид-19 вторпат пред отпочнување на тренажниот процес, оној во Скопје.
Сите добија негативен резултат, а искусниот играч Бојан Трајковски очекува позитивен резултат – од натпреварите кои ќе се одржат во „балонот“ во Талин.
И покрај двата стартни порази во квалификациите за пласман на наредното Европско првенство во 2022 година, селекторот Александар Тодоров вели амбицијата секогаш постои.
– Сите се тестиравме, моментално сме негативни, а по следното тестирање кое ќе биде последно ќе знаеме кој ќе замине за Талин. На следните два меча сакаме да ги надополниме двата порази од претходниот „прозорец“.
Сите посакуваме позитивен резултат, затоа што сакаме да играме на Европското првенство. Што се однесува до Естонија, јас не играв на првиот меч, но го гледав дуелот и можам да кажам дека ќе биде доста неизвесно. Предност им е домашниот терен. Без разлика во какви состави ќе играат ривалите, ние сакаме да победиме. Тоа е нашата цел – се зборовите на нашиот репрезентативец Трајковски.