Трајковски: Против Холандија ќе се обидеме да ја израдуваме цела Македонија
Фудбалската репрезентација на Македонија денеска го доживеа и вториот пораз на дебитантскиот настап на Евроските првенства, од Украина со 2:1, но одгра одлично второ полувреме. Фудбалерите ги притиснаа Украинците, создаваа шанси, доминираа на теренот, но не успеаја да постигнат втор гол што ќе значеше реми. Еден од играчите кои внесе свежина во играта беше Александар Трајковски кој влезе на стартот од второто полувреме.
– Во првото полувреме сакавме со иста мотивација како и на дуелот со Австрија да дојдеме до победа. Но, мора да бидеме искрени и да кажеме дека Украина беше подобра. Во второто полувреме видовме дека можеме да се вратиме во игра, имавме шанси, но не ги искористивме –рече Трајковски.
Македонија во последното коло ја очекува натпревар со Холандија во Амстердам, а Трајковски најавува офанзивна игра.
– Искрено се надевам дека ќе играме како во второто полувреме од самиот почеток и да не чекаме да поченеме од негатива. Видовме дека сме спремни и веќе немаме што да изгубиме. Одиме да играме за цела Македонија и да се обидеме да донесе радост. Играме против една голема репрезентација како Холандија.