Фудбалската репрезентација на Македонија  ги продолжува подготовките за полуфиналниот бараж натпревар против Италија за пласман на Светското првенство во Катар.

Фудбалерите денеска патуваат за Палермо каде задутре ги очекува дуелот против актуелниот европски шампион. Натпреварот во Палермо ќе биде емотивен за напаѓачот Александар Трајковски бидејќи мина четири години од својата кариера токму во Палермо.

– Поминав прекрасни четири години во Палермо. Среќен сум што се враќам во градот и што ми се укажува шанса за настап. Ова е многу важен натпревар, но ние покажавме дека можеме да оствариме одлични резултати и дека играме добар фудбал. Притисокот е врз Италија, ние немаме што да загубиме. Храбро и без страв да покажеме дека можеме да одиме понатаму – вели Трајковски.