ТРАГЕДИЈА ВО КАЗАХСТАН: 14-годишно девојче загина по експлозија на мобилен телефон
При експлозија на мобилен телефон во Казахстан животот го загубило 14-годишно девојче. Според пишувањата на тамошните медиуми, телефонот експлодирал во близина на главата на девојчето.
Алуа Асетизи Абзалбек од Казахстан слушала музика на нејзиниот мобилен телефон пред спиење и утрината била пронајдена мртва, според „Дејли мејл“.
Крај нејзината глава на перницата имало мобилен телефон, чија батерија експлодирала. Тој бил вклучен во струјата, соопшти локалната полиција. Форензичарите потврдиле дека мобилниот телефон експлодирал рано наутро и дека батеријата се прегреала при полнење.
Иако се шпекулира дека девојчето починало од повреди на главата затоа што смртта била моментна, тоа ќе биде потврдено по обдукцијата.
„Беше најдобра, се дружевме уште од детството. Ми недостигаш“, напишала најдобрата пријателка на загинатата девојка.
Girl, 14, dies when her phone explodes on her pillow after she went to sleep with it plugged into a charger https://t.co/IUDRHu0giA
— Daily Mail Online (@MailOnline) October 1, 2019