ТРАГЕДИЈА НА АВТОПАТОТ ШТИП-СВЕТИ НИКОЛЕ: Загина возач на мопед
Како што информира портпаролката на СВР Штип, Гордана Панајотов, 31-годишен маж од Велес кој управувал со мопед загинал при судир со автомобил на авропатот Штип-Свети Николе кај штипското село Кривидол.
Според неа, автомобилот кој се судрил со мопедот бил со скопски регистарски таблички, а во несреќата учествувале уште две други возила.
Полесно се повредени и возачот на автомобилот мерцедес и двајца негови сопатници кои се малолетни лица. Од страна на Итната медицинска помош се пренесени на лекување во Клиничката болница во Штип.
Според очевидци, несреќата се случила поради возењето на мопедот кој бил без регистарски таблички во спротивна насока на автопатот.
На местото на несреќата увид имаат извршено крим техника на СВР Штип и основен јавен обвинител.