Хрватската атлетичарка Валентина Валјак почина на 33-годишна возраст по кратка и тешка болест.
Валјак се сметаше за една од најдобрите атлетичарки на долги патеки, а пред две недели таа победи на Плитвичкиот полумаратон, но не успеа да ја „победи“ болеста.

– Подмолната болест не и даде никакви шанси дури и да се бори за својот живот. Валентина секогаш беше вистински борец, но за жал оваа трка не можеше да ја издржи. ГИ помина сите атлетски дисциплини но највеќе успеси на почетокот од кариерата имапе во скок во далечина. Подоцна се префрли на трките на средни и долги патеки и најголемиот успех го имаше пред четири години кога го освои третото место државното првенство на трката на 10.000 метри. Потоа се фокусира на полумаратонските и марартонски трки и уживаше во нив. На својата последна трка, Плитвичкиот полумаратон таа победи. Секогаш ќе ги паметиме сите наши спортски моменти, твојот благ поглед и искрената насмевка – порача нејзиниот тренер.