Легендарниот фудбалер на Рома и на италијанската репрезентација, Франческо Тоти доби признание за одличните игри со приемот во „Куќата на славните“ на италијанскиот фудбал. Свечената церемонија за приемот на Тоти се одржа во Фиренца.

– Неверојатен ден! Сакам да им се заблагодарам на сите што ми ја укажаа оваа неверојатна чест. Мислам дека Светското првенство во 2006 година кога триумфиравме е клучно за приемот. Ви благодарам – изјави Тоти.

Франческо Тоти целата фудбалска кариера ја мина во редовите на Рома. Дебитантскиот настап за „римската волчица“ го имаше 1992 година на 17 години и освои една титула во Серија А (2001), два Купа на Италија (2007,2008) и два пати триумфираше и во италијанскиот Суперкуп (2001,2007).
Со репрезентацијата на Италија триумфираше на СП 2006 година откако во финалето по подобро изведување на пенали ја совладаа Франција.