Тоти се збогува со Рома после 30 години!
Тоти донесе одлука да се раздели со римската „волчица“, а в понеделник пред медиумите ќе ја потврди ваквата информација.
Италијанската фудбалска легенда уште во мај размислуваше да се повлече од управата, но сега донесе конечна одлука.
Roma, tifosi in ansia: Francesco Totti lascia il club, lunedì la conferenza stampa https://t.co/p5qv6VG3P0
— informazione sport (@infoitsport) June 15, 2019
Не се појави на состанокот на управата кој првиот човек на клубот го организираше во Лондон. Тоти не е задоволен од одредени избори кои Рома ги направи, не му се допадна тоа што се разделија со Масаро, а не беше ангажиран ниту Петраки.
Тоти беше во Рома од 1989 година, со одиграни 786 официјални натпревари и 307 голови, со „волчицата“ ја освои Серија А, по два трофеи од Купот на Италија и Суперкупот.
Остана единствено верен на Рома, ја имаше улогата на фукционер, а сега ќе го напушти клубот после 30 години.