Франческо Тоти пред три години стави крај на својата кариера, тој пред преполниот „Олимпико“ се прости од Рома и замина во пензија. Иако веднаш доби функција во Рома, Тоти по само неколку месеци си замина од клубот во кој ја помина целата кариера, и одлучи да се испроба во нова професија.

„Кориере дело Спорт“ пренесува дека Тоти влегува во менаџерските води, деновиве конечно ја регистрира својата агенција и веќе го доби првиот клиент, фудбалерот на Наполи, Лоренцо Инсиње.

Фудбалерот на Наполи неодамна го раскина договорот со контроверзниот Мино Рајола и најдоцна до другата недела треба и официјално да стане првиот клиент на менаџерската агенција на Франческо Тоти.

Задачата на Тоти ќе му биде да му обезбеди на Инсиње нов договор со Наполи иако за неговите услуги се интересираат неколку англиски екипи како Ливерпул, Евертон, Арсенал, Челси.