Минималниот триумф од 1:0 над Манчестер сити, екипата на Тотенхем може многу скапо да ја чини, во оти  50. минута се повреди Хари Кејн. Тој по еден дуел со Фабијан Делф се пожали на болки на зглобот на левата нога и на прв поглед изгледаше дека е сериозна повреда.
– Многу тажна ситуација. Ќе биде многу тешко и ќе ни недостасува. Можеби го загубивме до крајот на сезоната – изјави Маурицио Покетино, тренерот на Тотенхем.

Кејн и во минатото имаше проблеми со зглобовите, а поради повреда на зглобот на десната нога веќе отсуствуваше шест недели сезонава.

Од таборот на Манчестер не се премногу загрижени од поразот, иако имаа шанса преку Серхио Агуеро да дојдат до реми, но напаѓачот го промаши пеналот.
– Ние создадовме повеќе шанси, не беше само пеналот. Ја контролиравме играта и не дозволивме противникот да не нападне. Резултатот не е најдобар, но за да одиме понатаму, треба да бидеме ефикасни. Игравме добро, но ова е Лига на шампиони, ова е тест за нас. – вели Пеп Гвардиола тренерот на Манчестер сити.