Тотенхем се вклучува во трката по потписот со Дембеле
Екипата на Тотенхем сериозно е заинтересирана за ангажирање на францускиот репрезентативец Осман Дембеле кој настапува за Барселона.
Според шпанските медиуми, Антонио Конте, менаџерот на Тотенхем, Дембеле е идеалната замена за Лукаш Моура.
Договорот на Дембеле со Барселона му истекува на 30 јуни идната година и доколку до крајот на оваа година не потпише нов договор со каталонскиот тим, од први јануари ќе може да преговара со сите заинтересирани екипи.
Барселона сè уште нема доставено официјална понуда за продолжување на соработката со Дембеле и тој момент сака да го искористи Тотенхем чиј менаџер смета дека стилот на игра на Французинот идеал но би се вклопил во неговата визија на игра.
„Мундо Депортиво“ пренесува дека најверојатно Тотенхем ќе биде идната дестинација на Дембеле доколку не се согласи да потпише нов договор со Барселона, а нема да биде Њукасл кој исто така покажува сериозен интерес за Французинот.