Тотенхем во последното коло од Премиер лигата мора да го победи отпишаниот Норич за да го обезбеди четвртото место за пласман во Лигата на шампионите.

Менаџерот на клубот, Антонио Конте е пред директниот конкурент Арсенал за да ја обезбеди последната позиција која носи пласман во најелитното клупско фудбалско натпреварување.

Последните информации велат дека Конте и Тотенхем наскоро ќе одат на „шопинг“. Новинарот Фабрицио Романо најавува дека Тотенхем ќе ги откупи Дејан Кулушевски (22) од Јувентус и Кристиан Ромеро (24) од Аталанта.

За овие двајца играчи Англичаните ќе им платат на Италијанците 80 милиони евра. Конте е задоволен од младите фудбалери и планира околу нив да ја гради иднината во тимот.

Шведскиот напаѓач Кулушевски во јануари пристигна во Тотенхем како позајмица од Јувентус. Во Премиер лигата одигра 17 натпревари, постигна три гола и запиша осум асистенции. Тотенхем има право на откуп за 35 милиони евра и ќе го искористи. Минатото лето во клубот пристигна аргентинскиот дефанзивец Ромеро. Тотенхем за него ќе потроши 45 милиони евра и ќе го откупи договорот.

Tottenham will sign both Dejan Kulusevski and Cristian Romero on a permanent deal. Spurs will invest around €80m total fee for two players who are considered key part of the project for present and future. ⚪️🤝 #THFC

Antonio Conte's also very happy with Romero and Kulusevski.

— Fabrizio Romano (@FabrizioRomano) May 17, 2022