Тотенхем и Мурињо доаѓаат во Скопје, Ибраими со фантстичен гол го потопи Ботошани (ВИДЕО)

фото: ФК Шкендија

Екипата на Шкендија оствари минимален триумф во второто квалификациско коло за пласман во Лигата на Европа и си обезбеди дуел со англискиот великан Тотенхем наредната недела.

Шкендија славеше со 0:1 на гостувањето кај романскиот Ботошани и тоа благодарение на фантастичниот гол на Бесарт Ибраими уште во втората минута.

Ибраими прими одлична топка по десната страна и со лоб постигна прекрасен гол кој на крајот се покажа одлучувачки за тетовци да триумфираат и да си обезбедат дуел со Тотенхем и Жозе Мурињо кои славеа со 1:2 на гостувањето кај Локомотив Пловдив.

Романскиот тим за кого настапува и Давид Бабунски ја презеде иницијативата, напаѓаше но не успеа да ја пробие одличната одбрана на Шкендија со која командуваше голманот Константин Захов.

Работите станаа потешки за тетовските „црвено-црни“ во 67. минута кога Алими доби втор жолт картон што значеше исклучување но и покрај тоа, мрежата на Захов остана мирна и Шкендија славеше и си обезбеди дуел со Тотенхем идниот четврток во Скопје.

Видео на денот